Activist-ten buh chi tih danglam hnukdawk turin ngen

Genetically modified-Free India ṭangrual pawl chuan sorkar laipuiin buh chi a tih danglam(genome-edited) chungchang a puan chu chhang letin,heng hi taksa tana a hrisel tawk loh avangin leh kan chhehvel thil awmte tana nghawng ṭhalo a neih theih dawn avangin buh chi thar pahnih SDN-1 and SDN-2 te chu siam chhunzawm lo turin an ngen.

Indian Council of Agricultural Research (ICAR) governing body member leh loneitute aiawh ni bawk , Venugopal Badaravada chuan heng thil thar puante hian harsatna sut kian aiin science chawilarna ngaih pawimawh zawkna a ti lang chiang hle niin a sawi ve bawk. Ṭangrual pawl hian buh chi thar puan hi dan kalh a nih thu leh mihring tan a him tawk lo niin an tarlang.

Buh chi tih danglam duh lotu ṭangrual pawl chuan India sorkarin dan phal loh zawng thil chu ualau taka an ti mai chu an hriatthiam loh thu sawiin, khawkheng ngam tih leh thar tam duh tia fakna hrang hrangte hi a him tawk em tih enchhin a ni lo thung niin an sawi bawk.

Sorkar laipui chuan buh chi tih danglam (gene-edited) te hi Kamala (DRR Dhan 100) hi Indian Institute of Rice Research (ICAR-IIRR), Hyderabad leh Pusa DST Rice 1, Indian Agricultural Research Institute (IARI), Delhi ten an siam chhuah thu hi an puang a, buh chi thar te hi a mal ve vea enchhinna leh zirchianna mumal tak neih ngei chu ṭangrual pawl hian an phut a ni.