Airport 18 khar, flight 200 chuang cancel

Indian Armed Forces in missile hmanga Pakistan leh POK-a firfiak pawl hmun an beih avangin, nimin khan ram chhunga airport 18 khar a ni a, flight 200 chuang cancel a ni bawk. Airport kharna zingah hian Srinagar, Leh, Amritsar leh Chandigarh te an tel a, Delhi khawpui bikah pawh flight 35 cancel a ni.

Mumbai-a Sahar Airport hotline chuan Pakistan beih a nih hnu hian Chandigarh-Mumbai inkara Indigo flight 6E 6382 -a bomb tih puaha vauna phone call an dawng. Thuneitute chuan hma la nghalin, aircraft hi hmun falah an din tir a, passenger te pawh hruai chhuah nghal an ni a, uluk takin an endik nghal bawk. Thil dik lo awm erawh hmuh a ni lo. Sorkar laipui chuan Operation Sindoor neih hnuah Indian airspace te chu uluk taka thlithlai reng a nih thu a tarlang.