Pakistan sipaite silai hmehpuahah civil mi 10 an thi

India sipaiten Pakistan rama firfiak pawl hmun beia beihpui a thlak hnuah nimin vek khan Pakistan Army chuan Jammu and Kashmir-a Poonch leh Rajouri-a Line of Control (LoC) bula thingtlang khuate silaiin an pawng kah a, civil mi 10 an thi a, hliam tuar 40 chuang an awm bawk.

Official-te chuan Pakistan sipaite hian Poonch-a Krishna Ghati, Shahpur leh Mankote bakah Rajouri district-a Laam, Manjakote leh Gambeer Brahmana khuate chu an kap tih an sawi. Indian Army pawhin an lo chhang let ve nghal a ni.