Rajnath Singh-a'n High-Level Security meeting ko

Union Home Minister Rajnath Singh chuan nimin khan New Delhi-ah high-level security meeting a ko a, ram≠chhung security dinhmunte an thlir.

Meeting-ah hian Defence Minister Manohar Parrikar, National Security Advisor Ajit Doval bakah top official-te an tel.

Darkar khat awh meeting-ah hian top official-te chuan Jammu and Kashmir-a Pampore-a darkar 56 chhung zet firfiak leh security force-te inkahna thlengte minister hi hrilhfiahin, ramchhung hmun hrang hrang, a bikin Jammu and Kashmir security dinhmunte an sawiho a ni. Pakistan
aṭang firfiak rawn luh tumte danna Line of Control leh India-Pakistan ramri-a venhimna kalpui a nih dante an sawi bawk.

July 8-a Hizbul Mujahideen hruaitu Buhran Wani kahhlum a nih aṭang khan Jammu and Kashmir-ah tualchhung buaina a la chhuak reng a, mipui lungawi lo leh security force-te inkara buaina chhuak vangin mi 84 an thi tawh a ni. September 18 khan Pakistan firfiakten Uri sector-a army camp beiin, sipai 19 an kahhlum bawk. Hemi chhan let nan han sipaite hian Pakistan ram chhunga firfiakte tawmbuk beiin surgical strike an nei a ni.