JeM hotuin India beih phalsak turin Pakistan a ngen

Pakistan firfiak pawl, Jaish-e-Muhammad hotu Masood Azhar chuan Pakistan sorkar hnenah firfiakten India an beih phalsak turin a ngen.

Masood Azhar hian Pakistan-a firfiak pawl hrang hrangte pawh India bei chhunzawm turin a sawm bawk a, thutlukna fing tak an siam thuai loh chuan Pakistan-in Kashmir ram a neih theihna hun remchang chu an hloh theih thu a sawi.

JeM magazine-a article a ziahah Azhar chua, "Pakistan sorkar hian Kashmir buaina leh tui inchuh chungchangah hian huaisenna lantir ve deuh ni se chuan buaina hi chinfel vek a ni tawh ang", a ti. India chuan kawng hrang hrangin Pakistan a nawr mek a, Kashmir chungchanga thil thleng mekte thlirin LoC-a inkahhai puan pawh sut a hun tawh niin a sawi. Ni 90 kalta chhung khan Muslim mi tam tak chuan ram tan nunna an hlan a, midang eng emaw zatin hliam an tuar bawk a ni, a ti.