Saudi Arabia Foreign Affairs Minister-in India lo thleng

India-in Operation Sindoor a kalpui zawhfel hnu lawkah Saudi Arabia Minister of State for Foreign Affairs Adel Al-Jubeir chuan India a rawn thleng a, ni khat cham tura rawn zin Iran Foreign Minister Seyed Abbas Araghchi nen an in nang hman chiah bawk. Al-Jubeir leh EAM S Jaishankar te chu nimin zing khan an inkawm nghal a ni.

Jaishankar leh Iran Foreign Minister Araghchi te chu nimin chhun khan an inkawm bawk a, hemi hnuah Araghchi hian President Droupadi Murmu a kawm leh bawk. Iran FM hian India a rawn tlawh hmain Pakistan chu May 5, Thawhṭanni khan tlawhin ram pahnih inkar boruak tih ziaawmna tur chungchangte a sawi pui nghal tih a sawi.

Saudi Arabia Foreign Affairs Minister-in India a rawn tlawhna hi puanzar lawk loh niin, India leh Pakistan inkar boruak sosang zel tur tih ziaawm a nih theihna tur atana hmalakna hrang hrang sawi pui tura rawn tlawh a nih thu official chuan an tarlang bawk.