Defence Minister leh service chief te'n security dinhmun ennawn

Defence minister Rajnath Singh kaihhruaiin nimin Zirtawpni khan rampum huapa venhimna dinhmunte chu a ṭha tawk em tih sipai hotute nen an ennawn. Meeting-ah hian venhimna dinhmun tih hmasawn ngai hrang hrang chungchangte sawi ho a ni.

Meeting hi Chief of Defence Staff Gen Anil Chauhan, Army Chief Gen Upendra Dwivedi, Air Chief Marshal A P Singh, Navy Chief Admiral Dinesh K Tripathi leh Defence Secretary Rajesh Kumar Singh-te nen a neih a ni.

Defence Minister kaihruai meeting-ah hian Ningani zana Pakistan beihna thleng lo dawnsawn dan hrang hrang te ennawn niin, khawthlang ramri leh sipaite in ralrinna a ṭha tawk em tih fiahna a nih thu Ministry thupuangtu chuan a sawi.

Ningani zana Pakistan beihna lo dan chah a nih hnu hian, Defence Ministry lam chuan,"Engtik lai pawhin kan in peih reng a, mipuite himna tur chuan kan ding nghet tlat ang" tiin mipui an ṭawng thlamuan zui bawk. Defence Minister Singh chuan India khua leh tui humhim tur hian thil harsa tak a awm loh thu leh India tha chakna leh in peihsa na chu a ṭha tawk niin a sawi ve bawk.