Dharavislum-ah hri kai 60 awmtawh

Asia khawmualpuia slum area lian ber, Mumbai-a Dharavi-ah chuan Covid-19 kai mi 60 an awm tawh a, mi pasarihin an thihpui tawh bawk. Maharashtra state hi India ram state zingah hri kai tamna ber an ni a, Mumbai khawpui bikah pawh hri kai hi nimin thleng khan 1,351 awmin, mi 112-in an thihpui tawh a ni. Brihanmumbai Municipal Corporation (BMC) chuan Dharavi-a hri kai hmuhna hmun pakua chu an khar tawh a ni.

TV journalist lakah FIR ziak lut Mumbai police-te chuan Thawhlehni-a rel a tlan dawn tia report tu, television journalist pakhat chu thu dik lo a thehdarh avangin a lakah FIR an ziak lut. He thu a thehdarh vang hian Thawhlehni khan Bandra-ah rel changin mi tam tak an punkhawm phah a ni. TV journalist thubuai siamsak hi Rahul Kulkarni a ni a, a news report-ah Thawhlehni aṭangin lockdown avanga tangkhangte tan Jan Sadharan special train tlantir a ni dawn tih a sawi a ni. Hei vang han Bihar, Uttar Pradesh leh West Bengal aṭanga inhlawhfaa awm tangkhang mek, mi 1,000 chuang chu Bandra rel stationah Thawhlehni khan an pungkhawm a, police-te hnawhdarh an ngai hial a ni.