Nov. 16 aṭangin Parliament thlasik ṭhutkhawm

Parliament thlasik ṭhutkhawm chu November 16 aṭangin neih a ni dawn a, thla khat a awh ang.

Cabinet Committee on Parliamentary Affair (CCPA) chuan Ningani zan khan session neih hun atan hian November 16 - December 16 a ni dawn tih a puang. Kum dang aiin tun ṭuma thlasik ṭhutkhawm neih hun tur hi tih hma a ni a, hei hi Goods and Servivces Tax (GST) bill pawmfel thuaina tur kawng a hawng thei dawn a ni. Sorkar laipui chuan nakkuma budget session neih tur pawh thla khata sawn hnaih dan a ngaihtuah mek a ni.

Parliament thlasik ṭhutkhawm hi tunhnaia sipaiten Pakistan ram chhunga surgical strike an neih chungchangin a luah hneh hle rin a ni. Session chhung hian GST bill bakah, bill thar 15 vel pharh rin a ni a, sorkar laipui chuan Enemy Property Act siamṭhat a tum dawn bawk.