Jaya-i chanchin dik lo tidarhtute thubuai siamsak

Damdawi-ina enkawl mek, Tamil Nadu Chief Minister Jayalalithaa-i hriselna dinhmun chungcahngah thu dik tawk lo thehdarha puh mi 50 chuang chu thubuai siamsak an ni tawh.

Jayalalithaa-i hi September 22 aṭang khan Chennai-a Apollo damdawi-inah enkawl a ni. A dinhmun hi puanzar a nih ngai loh avangin mipuiten an ngaihven a, hei vang hian social media lamah thu dik lo an thehdarh nasa hman hle a, ṭhenkhat chuan a thi tawh ang hialten an sawi.

Police chuan social media kaltlanga CM dinhmun chungchanga thudik lo post te chu chhui turin special team a din a, thu dik lo thehdarhtute chu kum sarih thleng lung-in tan tir theih an nih thu an sawi.

Hospital lamin Jaya-i chung≠changah a thuchhuah hnuhnung ber, October 10-a a tihchhuahah chuan CM hi khawl hmanga thawktir a nih thu a sawi. Hemi hnu hian CM hna chanpualte hi finance minister Paneerselvam kutah hlan a ni a, mahse CM atan chuan lakluh a ni lo.

Apollo hospital kawtah hian Jaya-i ngaihsangtute an pungkhawm reng a, a ṭhatchhuah leh thuai theih nan an ṭawngṭaisak reng a ni.