Kashmir hmun ṭhenkhatah curfew puang

Jammu and Kashmir-ah inlakhran duhtuten lungawi lohna kawngzawh huaihawt an tum leh avangin, Srinagar leh khawpui chhehvel vel hmun ṭhenkhatah nimin khan curfew puan a ni.

Police official-te chuan nimin kha Muslim-te ṭawngṭai ni a ni a, hei vang hian buaina a chhuah palh venthawn thilah curfew hi puan a nih thu an sawi. Kar kalta Zirtawpni-a ṭawngṭai zawh hnu khan tharum thawhna nasa tak a thleng a, mipa naupang pakhat chu sipaite mu sep kahchhuahin fuhin, a thih phah a ni. Hei vang hian Srinagar-a police station pang huam chhungah leh, Batamoloo police station leh Sopore khuaahte curfew hi puan ani a, hmun dangah erawh punkhawm khapna siam a awm lo.

Srinagar khawpui chhung leh a chhehvelah Central Reserve Police Force (CRFP) te duty tir an ni a, kawngpui pengṭhuam laite dan a ni bawk.

Inlakhran duhtute chuan mipuite chu Rajbhavan pana kawngzawh turin an sawm a ni.

July 9 aṭang khan tual≠chhung buaina thleng vangin inlakhran duhtu pawl hruaitute chu pawn chhuak thei loin hren an ni a, mahse hetichung hian anmahni thlawptute chuan kar tin lungawi lohna an la lantir chhunzawm reng a ni.