India leh Russia-in defence lama thawhdunna tur ziak

India leh Russia chuan defence lama thawhdunna tur inremna chu kar kalta Inrinni khan an ziak fel ta.

Inremna an ziah hi India-in Russia aṭanga S-400 Triumpf missile system panga leh stealth frigates pali a leina tur bakah, ram pahnihten utility helicopter, Kamov-226T an siam dunna turte a ni. Heng project pathum hlut zawng hi cheng vaibelchhe 72,000 chuang zet a tling a ni.

Prime Minister Narendra Modi leh Russia President Vladimir Putin-te chu inremna ziah lai hian an awm ve a ni.

Defence official-te chuan S-400 system an lei tur chu khawthlang lam, Pakistan ramriah pathum leh khawchhak lam China ramri-ah pahnih dah a ni dawn tih sawiin, hengte hian India ram china China emaw, Pakistan fighter emaw rawn thlawk lut chu an lo kap thla theih dawn a ni, an ti.

India hi Russia hnena
aṭanga S-400 leitu ram pa≠hnihna a ni dawn a, kum 2014 khan China chuan anti-missile system lei turin Russia nen hian dollar tluklehdingawn 3 hu inrmena an lo ziak tawh a ni. India chuan Anti-missile system bik leina atan hian cheng vaibelchhe 39,000 a seng ang.

Inrema an siam Kamov-226T utility helicopter siam hna hi Hindustan Aeronautics Ltd (HAL) leh Rostec State Corporation of Russia-te'n an thawkdun dawn a, he inremna hi Make in India hmalakna tihhlawhtlinna pakhat a nih thu, PM Modi chuan a sawi. Russia President Putin pawhin India nen chuan inzawmna
ṭha tak an neih thusawiin, energy lama thawhdunna nghet nei zel tura an beih tur thu a sawi.