Jaya-i'n ziaawm lam pan

Tamil Nadu Chief Minister J Jayalalithaa-i chu kar thum chhung damdawi-inah enkawl a ni tawh a, ziaawm lam a pan zel nia sawi a ni.

Chennai-a Apollo Hospital-a enkawl mek, Jayalithaa-i hi khawl hmangga thawk tirna, ventilator pawh chhun lamah chuan hman tir a ngai tawh lo a, zan lamah pawh venthawn thilah hman tir chauh a ni tawh nia sawi a ni. Mahse CM hi Critical Care Unit-ah dah chhunzawm reng a la ni. Hetih lai hian amah ngaisangtu mi tamtak chu damdawi-in kawtah hian a tana ṭawngṭaiin an awm renga ni.

AIADMK thupuangtu, CR Saraswathi chuan Jaya-i a harh chhuak tawh a, ṭhat lam a pan chhoh zel an beisei tih a sawi.

Damdawi-ina Jaya-i dahluh a nih hnu hian a hriselna dinhmun chungchang puanzar a nih loh avangin thuthang dik lo a leng nasa hman hle a, social media lamah mi
ṭhenkhat chuan thi tawh ang hialten an lo ziak a ni. Dik lo taka CM dinhmun thehdarh a nih chungchangah police-te chuan thubuai eng emaw zat an ziak lut tawh bawk.