Delhi Police-te'n AAP MLA man

Delhi-a rorellai, Aam Aadmi Party (AAP) MLA Gulabsingh Yadav chu tihluihna hmanga midang pawisa laksaka puh chungchangah nimin khan Delhi Police-te'n an man.

MLA Yadav hi an party-in Gujarat in-charge atana a dah a ni a, nimin khan AAP hotu leh Delhi Chief Minister Arvind Kejriwal-a'n Surat-ah public meeting a nei dawn a, public meeting neih hmain Yadav hi Surat police-te kutah a inpe a ni. A hnuah Delhi Police official-te'n thu zawtin an man zui a ni.

Delhi Police-te chuan MLA Yadav lakah hian kar kalta Inrini khan non-bail warrant an tichhuak. Mahse Yadav chuan police-te kuta a inpek hmaa chanchin thar lakhawmtute a kawmnaah, October 6 aṭang khan Gujarat-ah a awm tih sawiin, October 13-ah a lakah thubuai ziahluh a ni tih a sawi a, an puhna chu thu belhchian dawl lo a ni, a ti.

Arvind Kejriwal-a pawhin Yadaav-a an puhna chu thu dik lo a nih thu a sawi. Sruat-a rally an neih tur chu tihbuai dan kawng zawgah BJP President Amit Shah a puh a, BJP sorkar chu a hlauthawng tawh a, hei vang hian hetiang hi dik lo takin an party MLA chu an puh ta mai niin a sawi.