UP-a inpawngneknaah mi 24 thi

Uttar Pradesh-a Varanasi-ah kar kalta Inrinni khan sakhaw hun pawimawh hmanga pungkhawmte an innekbuai a, mi 24 an thi a, mi dang eng emaw zatin hliam an tuar.

Mipuite innekbuaina hmun hi state khawpui, Luck≠now chhimchhak lam, km 319 vela hla, Varanasi district-a Ganga luia Rajghat lei-ah a ni. He hmunah hian Hindu guru, Jai Gurudev zuitute chu an hotu zahna hlan tur hian an pungkhawm a ni. Mipui kalkhawmten lei an zawh lai hian an innekbuai ta a ni.

A buaipuituten mi 5,000 vel kalkhawm tura an beisei laiin, mi 70,000 vel an kal a ni. Mipui awmkhawm zing≠ah hian lei a chim dawn tih thuthang a awm avangin an innekbuai ta nia sawi a ni.

State thuneitute chuan chhanchhuah hna thawktu tur an tir nghal a, hliam tuar≠te pawh damdawi-in hrang hrangah hruai nghal an ni bawk.

Varanasi bialtu, Prime Minister Narendra Modi chuan mipui innekbuainaa mi tam takin nunna an chan chu pawi a tih thu a sawi a, official-te pawh biain a ṭul anga ṭanpui hna thawk tura a hrilh thu a sawi. Innekbuaina thlenga thi chhungte leh hliam tuarte chu chhawmdawlna pek an nih tur thu a sawi.