January 8 thleng J&K-ah 4G internet ban chhunzawm

Jammu and Kashmir-ah chuan high-speed internet, 4G chu nakkum January 8 thleng khap chhunzawm a la ni dawn. 

J&K thuneitute chuan 4G internet khap chhunzawm zel a la ni dawn tih hi an tarlang a, hemi rual hian 2G internet erawh pek chhuah chhunzawm zel a ni dawn tih an sawi. Mahse 2G hi Ganderbal leh Udhampur district-ah hman a ni thei dawn chuang lo a ni. 

Sorkarin a tarlan dan chuan J&K ramriah firfiak an awm nual a, heng firfiakte hi J&K-ah luh tumin, pawikhawihna thleng an tum niin a ngai. Hei vang hian firfiakten an hman ṭangkai hlauthawngin internet chak ch hi hman theih loha la khap chhunzawm hi a ngai niin sorkar chuan a tarlang.