BRICS meet-in firfiaka chetna do let tiam

Goa-a BRICS summit vawi riatna neih chu Pathianni khan zawhfel a ni a, Goa Declaratioan an siamah chuan firfiaka chetna thleng ṭhin an dem thu leh, do let zel an tiam.

Declaration siamah hian ram bil hming tarlan a ni lo a, mahse ramri kaltlanga firfiakte pawikhawihna thleng ṭhin an demna thu te, firfiakte inhumhimna tur lo pe a, lo thlawptute an demna thute ziakin, heng mite hi firfiakte ang bawka hlauhawm an nih thu an ziak lang a ni.

Syria rama tualchhung indona thleng mek chungchang pawh tarlangin, UN-in firfiak pawla a puan, Islamic State leh Jabhat al-Nusra lakah action lak ngei an phut thu an sawi. Ram hrang hrangte chu firfiak leh inhuatna cho chhuak zawnga che ṭhinte bei let turin an ngen a, firfiakten sum an hmuhnate pawh danchah sak turin an ngen bawk.