TN-ah eptuten nawrh huaihawt chhunzawm

Tamil Nadu-a eptu party-te'n Cauvery lui tui inchuh chungchang vanga nawrh an huaihawt chu nimin khan an chhunzawm a, state chhung hmun hrang hrangah rel kawng an dang.

Eptu pawl leh loneitute chuan Thawhṭanni aṭang khan lungawi lohna lantirin rel kawng an dang ṭan a, Tamil Maanila Congress hruaitu GK Vasan leh loneitute 300 vel chu man an ni tawh.

Karnataka leh Tamil Nadu-ten Cauvery lui tui an inchuh chungchanga sorkar laipui chu Tamil mite duhsak loah puhin, Cauvery Mangament Board din a duh loh avanga an dem thu an sawi. Nimian Egmore Railway station-a nawrh huaihawt chu MDMK General Secretary Vaiko leh VCK hotu Thol Thirumavalavan-te'n an ho a, rel tlanchhuak tur an dang a ni. Central rel station-ah pawh Naam Tamizhar Katchi hruaitu Seeman hoin nawrh huaihawt a ni bawk a, Tiruchirappali leh Thanjavur district-ahte mi tam takin lungawi lohna an lantir leh bawk.