SC-in sum pe kir turin Parsvnath hriattir

Supreme Court chuan real estate Parsvnath hnenah Ghaziabad-a Exotica project hnuaia flat leitu, mi 70 hnen aṭanga sum a lakte chu pe kir turin a hriattir.

Parsvnath-in Exotica project a thawhna atana revised plan a siam chu Ghaziabad Development Authority-in a pawmpui loh avangin hna hi an thawk chhunzawm thei lo a, hei vang hian he project hnuaia flat leitute hian an flat tur hi an pe thei lo a ni. Flat leitute hi Supreme Court-ah sum pekkir phutin an zualko ta a ni. Supreme Court chuan Parsvnath hnenah hian December 10 hmain cheng vaiblechhe 10 deposit turin a hriattir a, thla hmasa khan cheng vaibelchhe 12 a lo dahtir tawh bawk.

Parsvnath hian nikum chhung khan cheng vaibelchhe 400 a hloh avangin sum lamah harsatna lian tak a tawk a, hei vang hian Exotica project hnuaia flat leitute sum chu a pekir thei lo tih a sawi a, project hna thawh hi thla 12 chhunga zawhfel hman theih an beisei thu a lo sawi tawh a ni.