Lower court-te judge 5,000 chuangin indaih lo

Law Ministry-in data a tihchhuah thar berah, ramchhunga subordinate court hrang hrangte chu judge 5,000 chuangin an indaih lo tih tarlan a ni.

Supreme Court bakah High Court 24-ah pawh judge an la indaih lo hle a, hetihlai hian subordinate court-te buaina hi a la nasa zawk a ni. June 30 khan subordinate court 21,302-a judicial officer awm zat chu 16,192 an ni a, heng court-te'n judge an mamawh belh zat chu 5,111 a la ni.

State lian 11-ah chuan judicial offier-te hi high court-te'n an thlang a, state 17-ah chuan state public service commissioner kaltlanga lak an ni thung.

Gujarat-ah post a ruak hnem ber a, judge post ruat hi 794 a awm a, Bihar-in dawtin post ruak 792 a awm. Uttar Pradesh chu a pathumna niin, lower court-a hna ruak awm zawt chu 595 a tling a ni.

High court 24-ah pawh judge post ruak hi 450 vel a awm mek a, judge indaih lohna nasa tak avang hian thubuai vaibelchhe thum dawn chu tihkhawtlai mek a ni.