Punjab-ah zu chhe in vangin mi 14 an thi

Punjab-a Amritsar district huamchhungah mi 14 chu zu chhia in vangin an thi. Heng thihna thleng vang hian mi pasarih rinhlelhte chu man nghal an nih thu nimin Thawhlehni khan official chuan an tarlang.

Zu chhe in vanga thihna thlenna hi Amritsar district-a thingtlang khaw hrang hrang Bhangali, Patalpuri, Marari Kalan leh Therewal khua te niin, mi paruk chu damdawi-inah dah luh an ni bawk tih police-ten an sawi.

Police-te chuan chhuichianna nei nghalin an zu siamna atana hman, methanol chu online kaltlanga an lei niin an tarlang. Zu chhe zawrh chhuah kawnga mawhphurtu Prabhijit Singh hian Methanol liter 50 chu pawlh dalin litre hnih zela pack-in a hralh chhawng a ni. A lakah hian Bharatiya Nyaya Sanhita leh Excise Act hmangin thubuai siam sak nghal a ni.