Suu Kyi leh PM Modi-te inkawm

Myanmar State Counsellor leh foreign minister Aung San Suu Kyi-i leh Prime Minister Narendra Modi-te chu nimin khan Delhi-a Hyderabad House-ah an inkawm.

Suu Kyi-i hian Thawhlehni khan President Pranab Mukherjee leh external affairs mi­nister Sushma Swaraj-i te pawh a lo hmu tawh bawk a ni. Suu Kyi-i hi Goa-a BRICS Summit neih zawh tak hmanga rawn zin a ni a, summit zawh hnuah cham zuiin, ram hruaitute hrang hrangte a kawm a ni. Thawhlehni khan Rashtrapati Bhavan-ah Suu Kye-i lawmna inkhawm hi buatsaih a ni.

Nimina PM Modi nena an inkawmnaah hian agriculture, transport leh energy lama ram pahnihte thawhdunna chungchangte an sawidun a, inremna eng emaw zat an ziak nghal bawk. Suu Kyi-i hi minister leh senior official eng emaw zatin an ṭawiawm. Tun ṭum hi Suu Kyi-i'n Myanmar rama a party, National League for Democracy (NLD) in sorkarna a siam hnua India ram a tlawhna hmasa ber a ni.

PM Modi chuan Myanmar chu India ṭhianṭha tak a ni tih sawiin, Suu Kyi-i'n an ram hmasawnna tura a thawhna kawngah India chuan a thlawp zel dawn a ni, a ti.