Panneerselvam-a'n TN cabinet meet kaihruai

Tamil Nadu Chief Minister J Jayalithaa-i chu Chennai-a Apollo Hospital-ah enkawl chhunzawm zel a la nih vangin nimin khan a aiawh tura ruat Finance Minister O Panneerselvam chuan cabinet meeting a kaihruai.

Jaya-i hi September 22 aṭang khan damdawi-ina enkawl a ni a, hetihlai hian Tamil Nadu leh Karnataka state chu Cauvery lui tui inchuhin an buai hle a ni. Hei vang hian eptu party-te chuan an buaina chinfel dan kawng ngaihtuah tura all party meeting ko turin an phut reng a ni.

Thawhlehni aṭang khan eptu party hrang hrang leh loneitu pawlte chuan Cauvery lui tui insem dana an lungawi loh vang leh, sorkar laipuiin Cauvery Management Board din a duh loh vangin lungawi lohna lantirin nawrh an huaihawt.

Apollo Hospital chuan ni riat chhung CM Jaya-i dinhmun hi a tarlang tawh lo. Hospital-ah dah luh a nih aṭang khan Jaya-i dinhmun hi a tichhuak ṭhin a, mahse October 10 hnu lamah engmah a la tichhuak leh lo.