Pakistan-in India TV leh radio programme tihchhuah khap

Pakistan Electronic Media Regulatory Authority (PEMRA) chuan vawiin tlai dar 3 aṭang hian an ram chhungah India TV leh radio programme te tihchhuah a khap dawn.

PEMRA chuan Pakistan sorkar ngenna anga khapna hi siam a nih thu a sawi a, khapna thupek zawm lo TV leh radio station-te chu an licence suspend sak an ni ang. Pakistan local channel-te chuan danin a phalsak chin, foreign content 5% chin tihchhuah tur chu an bawhchhe vek a, hei vang hian complaint a luh hnuah PEMRA chuan khauh zawka hmalak a tum ta a ni. Danin a phal chin bakah forign content tichhuakte chu na taka hrem an nih tur thu August 31 khan a lo tichhuak tawh bawk.