Data buaiin de­bit card 99.5% a nghawng tel lo

Union Finance Ministry chuan ramchhunga debit card data buaina thleng chuan 0.5% vel chauh a nghawng a, 99.5% te chu an him a, customer-te tan chiai buai a ngaih loh thu a sawi.

Ram chhhungah hian debit card vaibelchhe 60 vel awmin, heng zinga vaibelchhe 19 chu RuPay card a ni a, a dangte chu Visa leh Master card an ni. ATM ṭhenkhat, malware-in a tihbuai debit card-te chu an card details puanzar sak an nih avangin bank hrang hrangten an customer-te chu card thlak emaw, PIN thlak tur emawin an hriattir a ni. Mahse ATM buaina hmuna card hman tih lohte chu an him niin department ofinancial services additional secretary GC Murmu chuan a sawi. Murmu chuan data buaina thlenna bank te chu card network-te chuan hriattirna an pe vek tawh tih a sawi. Debit card buai hi nuai 32.14 a ni thei tih sawiin, heng zinga nuai 6 chu RuPay card an ni.