Embraer aircraft deal chungchangah FIR thehluh
Central Bureau of Investigation (CBI) chuan US dollar maktaduai 208 man Embraer aircraft deal ziah chungchangah thil dik tawk lo a awm nia sawiin FIR a thehlut.
CBI FIR thehluhah hian NRI defence consultant Vipin Khanna chuan Brazil aviation firm, Embraer nena inremna siamnah hian hlawkna tam tham tak a dawng nia sawi a ni.
Embraer aircraft pathum leina tura inremna hi kum 2008-a, Manmohan Singh-a kaihhruai UPA a sorkar lai khan Embraer leh DRDO chuan an ziak a ni. Defence Minister Manohar Parrikar chuan dollar maktaduai 208 man Embraer aircraft leina tura inremna siam danah hian thil dik tawk lo a awm a nih chuan chhui chian a nih tur thu a lo sawi tawh a ni.
Embraer nena inremna siam a nih hnuah Vipin Khanna hian kum 2009 khan a hlawkna, dollar maktaduai 5.76 a dawng nia sawi a ni.