UP-ah doctor leh police-ten beih an tawk
Uttar Pradesh, Moradabad-a Nagphani khuaa Covid-19 kai nia rinhlelh khung hran tura lak tuma kal, doctor pahnih leh police palite chu mipui 100 bawr velin an lo bei.
Thawhṭanni khan Nagphani-ah hian hri vangin mi pakhat a thi a, a unaupa chu khawsik a neih vangin hri hi a kai nia rinhlelh a ni. Hei vang hian khung hrang a, enkawl a nih theih nan doctor leh police-te hian lak an tum a, mipui pungkhawm hian an lo bei zui ta a ni.
He thil thlenga inhnamhnawihte hi National Security Act (NSA) hnuaiah na taka hrem an nih tur thu UP chief minister Yogi Adityanath chuan a sawi. Nagphani hmun hi sorkar chuan a khar a, Covid hotspot-ah a puang zui bawk.