MHA-in state tinte ex-servicemen chhawr ṭangkai turin ti

India ramri dep state-ahte boruak a sosang zel avangin, Union Ministry of Home Affairs chuan state leh Union territory tinte chu mahni state leh UT chhunga ex-servicemen awmte chu civil defence duty atana chhawr ṭangkai turin a ngen.

State in chief secretary-te hnena lehkha thawnah, sorkar laipui chuan 'Civil Defence Act and Regulations of 1968' hnuaia kaihhruaina siam angin indo chhuah thulha vantlang in venhimna lam pawimawhna in zirtir turin a phut a ni. Heng hmalakna a hlawhtlin theih nan hian volunteer corps chu indo thleng palhte, khuarel chhiatna, leh sipai in nghirnghona awm palh laka hma la thei tura ruahman turin a ngen a ni.

Union War Book-ah civil defence unit-te chu muanna thlen tur leh indo thleng palha hman ṭangkai theih tura din turin kaihhruaina a awm sa a ni. Tun dinhmunah rampuma district 244-ah te civil defence unit hi awm mek anga tarlan a ni bawk.

Zila Sainik Boards kaihruaitu, District Magistrate-te chu board meeting koh leh tualchhunga ex-servicemen-te nena inremna siama enrollment drive kaihruai turin ngen an ni. State ṭhenkhat chuan he hna hi an thawk ṭan tawh a, Kendriya Sainik Board chuan registration atan kaihhruaina a pe chhuak tawh bawk.