India airport-a Turkey firm thawhpuina ti tawp

India leh Pakiatan inkar buaina hrang hrang a chhuah hnuah, India chuan ramchhunga airport pakuaa Turkish firm hna thawhna zawng zawng a tih tawp sak. Turkey hian Operation Sindoor neih hnuah Pakistan lam ṭan zawnga thil an tih avangin an hnathawh, ground handling phalna an neih te tih tawp sak an nih thu Civil Aviation Ministry chuan a tarlang.

Turkey firm, Celebi Ground Handling India Private Limited hna thawh phalna hi Civil Aviation lam hian hlih sakin," Ramchhung himna ngaih pawimawh vangin hna thawh phalna tih tawp sak a ni" tiin an thupek tih chhuahah hian an tarlang. He hmalakna vang hian Adani Airport Mumbai leh Ahmedabad pawhin an thawhpuina chu rang takin an hlip zui ve nghal bawk.

Operation Sindoor hnu khan Turkey lam hian Pakistan chu awka maia thlawp lovin, ralthuam hrang hrang hmanga puiin India beih letna atana hman drone-te chu Turkey kutchhuak a ni tih pawh finfiah a ni tawh. Turkey hian Pakistan an thlawpna leh puihna avang hian tourism leh sumdawn tawnnaah India aṭangin beihna an tawk zui ta a ni.