India-Pakistan inkar buaina vangin mi 2 man

India-in firfiak pawl tukdawlna tura Operation Sindoor a kalpui hnuah, operation chungchangah Ashoka University, Haryana-a associate professor hna thawk lai Ali Khan Mahmudabad chu man a nih thu Assistant Commissioner of Police (ACP), Rai Ajeet Singh chuan a sawi. Ani bakah hian YouTuber Jyoti Malhotra chu Pakistan tana enthlak hna thawk a puhin Inrinni liamta khan man a ni bawk.

BJP Yuva Morcha hruaitu chuan University professor-in May 7 a operation neih sawisel zawnga post-a siam vangin report a theh lut a,Haryana State Commission for Women chuan associate professor hnenah hian hriattirna an pe chhuak a, man a ni zui a ni. Haryana-a YouTuber, travel vlogger Jyoti Malhotra pawh Pakistan hnena India military chungchang, thu pawi thlen thei thil ti put ru nia sawi a nih vangin man a ni bawk. Malhotra hian thla hnih liamta vel khan Pakistan a tlawhna hrang hrang hi tarlangin, hemi hnu hian Pakistan High Commission Delhi-a thawk Ehsan-ur-Rahim nen in kawm ngeih chhoin, Pakistani intelligence nen a in hmelhriattir zui niin an sawi.

Malhotra hian India a kir hnuah pawh Pakistan intelligence lam nen hian an in be pawp zui a, Pakistan hnena India sipai hmalaknate kim chang leh hmalak tum dan te rawlruk ṭhin tiin an man zui ta a ni. Kum 2024 khan Kashmir-ah zinin Pakistan operative nen inhnimhnai hlein Bali, Indonesia-ah pawh an zin dun bawk niin zirchianna neitu lam hian an tarlang.