Ram 3 tlawhin EAM a zin chhuak

External affairs minister S Jaishankar chuan nimin Thawhṭanni khan May 19-24 chhung thanga Netherlands, Denmark leh Germany tlawh turin a zin chhuak. Ram pathum a tlawhnaah hian Pakistan-in ramri pela firfiak pawl chetna an thlawp dan a tarlang tel nghal dawn a ni. EAM hi India leh Pakistan inkar buaina chhuah hnua ramdang tlawh a zin chhuah leh hmasakna ber a ni.

Jaishankar hian a ram tlawha Foreign Minister te a kawm dawn bakah, India thawhpui Europe ramte hnenah Operation Sindoor an kalpui chhan leh kalpui dan kimchang hrilfiahna hun a hmang nghal dawn bawk.

India leh Germany hian Europe huamchhungah in sumdawn tawnna an neih aṭangin USD tld 30 hu hlutna an tel tawh a Netherland leh Denmark te nen hian green transition schemes a thawh hona tur pawh sawi ho a nih beisei a ni bawk. EAM in Germany a tlawhna tur hi Pahalgam beihna thlen hmaa ruahman tawh niin Netherland leh Denmark erawh tun hnaia ruahman thar a ni thung.