IMD-in Bengaluru-ah ruahsur nasa vangin 'Yellow alert' ti chhuak

Karnataka khawpui, Bengaluru chuan Pathianni leh Thawhṭanni khan ruah nasa taka surin, darkar 24 chhunga ruahtui tla zat hi 105.5 mm a tling a, kum 2011 hnua a tlak tam ber ṭum a ni. Hei vang India Meteorological Department (IMD) chuan Bengaluru-ah Yellow alert a ti chhuak a ni.

IMD director, CS Patil chuan Bengaluru leh a chhehvela darkar 24 chhunga ruahtui tlak tam dan chu thil thleng khat tak a ni tih a sawi. Ruahsur nasa avang hian khawpui chhungah tui a tling nasain, tuilianin kawrte a hnawh avangin kawngpuite pawh tuiin a chim nasa hle. IMD hian ruahsur avanga tui chim chin a san zel avangin Karnataka tuipui kam bialah 'Red Alert' a ti chhuak tawh bawk.

Deputy chief minister DK Shivakumar chuan ruah a sur chhunzawm zel avangin khawpui chhunga tuilian thlen mai theihna hlauhthawnawm hmun 210 zinga 70% ah hna thawh mek a ni tih sawiin, hmun dang pawh enfiah thuai a ni dawn tih a tarlang. Tui lian laka invenna turin khawpui chhungah chuan tui paihna km 197-a thui siam a nih tawh thu a sawi bawk a ni.

Shivakumar chuan ruahsur chu anni lo thunun theih a ni lo tih a sawi a, hemi rual hian harsatna thleng thei tur ang chu an theih anga an chinfel nghal zel thu a talrang. Mipui tan chiaina tur a awm lo tiin, sorkar chuan harsatna thleng thei tur venga theihtawp a chhuah reng thu a sawi.