MHA-in Delhi-a hman turin e-Zero FIR hawng

Ministry of Home Affairs chuan Thawhṭanni khan e-Zero FIR an tih mai, amaha cybercrime thehluhte FIR a chan tir nghal thei tur system a tlangzarh. He service kaltlang hian sum hmanga inbumna Rs nuai 10 chin, 1930 helpline leh National Cybercrime Reporting Portal (NCRP) kaltlanga theh luhte chu automatic-in FIR-anga ziah luh zel a ni dawn a ni.

Union home minister Amit Shah chuan he hmalakna thar hi Ministry of Home Affairs hnuaia Indian Cyber Crime Coordination Centre (I4C) kaltlanga hmalakna niin, hei hi thubuai ziah luhte rang taka bawhzui theihna tur atana ruahman a nih thu a sawi.

He system thar hi pilot project angin Delhi-ah chauh hman a la ni rih dawn a, hun rei lo te hnuah rampuma hman theih tura buatsaih tum a nih thu a sawi lang bawk. e-Zero aṭanga thubuai ziah luh te chuan ni thum chhungin Delhi-a e-Crime Police Station-ah tihfel hman vek a nih tur thu MHA chuan a tarlang.

Amit Shah chuan prime minister Narendra Modi kahhruai sorkarin nasa zawka cyber kaltlanga venhimna hna thawhna tih chak a tum dante sawi langin, India chu cyber katlanga beihna laka him tawka siam a tum a ni, a ti.