EAM leh Netherlands Foreign minister inkawm

External affair minister S. Jaishankar chuan ram pathum tlawha a zin chhuahnaa a ram tlawh hmasak ber, Netherlands chu Thawhṭanni khan thlengin, Dutch foreign minister Caspar Veldkamp nen an inkawm. Ram pahnihte thawhdunna thuk zawk siam dan tur bakah, European Union nena thawh dun theih dan turte an sawi dun.

EAM hian Netherlands hi Pakistan nena buai hnua ram a tlawh hmasak ber niin Dutch defence minister Ruben Brekelmans pawh a kawm nghal bawk. Venhimna thawhna kawnga hmathlir an neihte in hrilh tawnin defence huanga thawh dunna tur siam chungchang pawh an sawi dun bawk.

Jaishankar hian Netherlands-a hun a hman zawhah Denmark leh Germany ram te a tlawh chhunzawm leh nghal ang. A ram tlawha hruaitu hrang hrangte kawmin, thawh dunna neih puina tur leh India nena in laichinna tih nghehna lamte a sawi pui dawn. Hei bakah hian Operation Sindoor kalpui dan kim chang hrilhriatna hun a nei nghal dawn bawk a ni.