Kerala Primary School 10,000-ah free Wifi

Kerala sorkar chuan sorkar hnuaia lower primary leh upper primary school 10,000-ah an state Foundation Day, November 1 hian 2Mbps Wifi broadband internet pek an ni dawn tih a sawi.

IT@School Project Director, K.Anvar Sadath chuan kum 2007-a project kalpui ṭan a nih aṭangin high school, higher secondary school leh educational office 5,000 velah broadband internet connection hi pek a ni tawh tih a sawi. An hmalakna kal zelah primary section tan a thlawnin broadband internet hi an pe leh dawn a ni.

State Minister for Education C Ravindranath chuan he hmalakna hi primary section-a ICT infrastructure upgrade-na kawng pakhat leh, sorkarin high tech school programme a siam chhunzawmna kal zel a ni, a ti. He programme hmang hian ICT hmanraw thar ber hmangin class 8-12 chu thuam an ni thei dawn tih a sawi.

Lower Primary school-te hian ICT textbook thar, 'Kalipetti' (Play Box) chu November thla hian an dawng dawn a, primary teacher zawng zawng chu vawiin aṭangin ICT training pek an ni bawk ang.