Varanasi-ah gas pipeline project hawng dawn

Prime Minister Narendra Modi chuan Lok Sabha-a a bial, Uttar Pradesh-a Varanasi tlawhin km 1500-a thui gas pipeline siamna tur project a hawng dawn. He pipeline project hi cheng vaibelchhe 51,000 senna tur a ni.

Modi hian PM a nih hnua a bial a tlawh ṭum riatna tur a ni. Gas pipeline project, 'Urja Ganga' tih hmang hian kum hnih chhungin Varanasi khuaa chengte chu an an chenna inah pipe hmanga eirawngbawlna gas pek vek hman tum a ni. Hetiang project hi Bihar, Jharkhand, West Bengal leh Odisha-ahte kalpui tum a ni bawk.

PM hian Allahabad-Varanasi section rel kawng tihlenna tur project a hawng nghal dawn a, cargo centre lungphum a phum nghal dawn bawk a ni.

Modi-an a tlawh dawn vang hian venhimna khauh taka kalpui a ni a, kar kalta Zirtawpni aṭang khan Special Protection Group (SPG) chu Varanasi khuaah hian an inkhuar tawh a ni. PM phurtu helicopter ṭumna tur, Diesel Locomotive Works (DLW) hmun chu 'no fly zone' ah puan a ni bawk.