Ramchung Lawrkhawm

PM-in sipaite duhsakna hlan turin ngen

Prime Minister Narendra Modi chuan ram mipuite chu Diwali puala sipaite duhsakna hlan turin a ngen.

Ram himna tura ramri venhim hna thawktu, sipaite duhsakna hlan chuan a tichak dawn a ni tiin, PM chuan a twitter-ah a tarlang. Hemi atan hian MyGov.in kaltlangin Narendra Modi App leh All India Radio kaltlangin duhsakna, #Sandesh2Soldiers an thawn thei a ni. Doordharshan pawhin Armed Forces pual hian programme a buatsaih dawn bawk. #Sandesh2Soldiers campaign hian mipuite leh Armed Forces-te inkarah inpawhna ṭha zawk a siam beiesei a ni.

DMK hotu thar tur ruat

Tamil Nadu-a eptu pawl, DMK hruaitu lu ber M Karunadidhi chuan a hmun luah turin a fapa MK Stalin a ruat.

M Karunanidhi hi a upa tawh a, party lamah pawh a duh angin a thawk thei tawh lo a ni. A aiawh tur chungchangah hian a fapte pahnih, MK Stalin leh M K Alagiri-te chu an intibuai a, a thlaktu nih an inchuh reng a ni. State assembly inthlan neih hnuhnung berah khan a duh ang chanvo pawimawh pek a nih loh avangin, Alagiri-a hian DMK hi a chhuahsan a, pawl hran a lo din tawh a ni.

Bird flu darh zel hlauhthawnawm

Delhi-a National Zoological Park chu arva pul hri, H5 Avian influenza vanga tui sava 15 an thih hnuin khar lailawk a ni a, mahse thlasik sava pem chite an pem luh a hun dawn hnaih avangin bird flu hi a darh zel a hlauhthawnawm nia sawi a ni.

Wildlife expert-te chuan thlasik-ah ram hrang hrang aṭangin sava pem chi-te hi Delhi zoo-ah hian an luh avangin fimkhur a ngai hle tih an sawi. Heng sava-te hian bird flu hi an putdarh tawh chuan khuahkhirh a harsa tawh dawn hle niin an sawi. Hei vang hian sava pem chite an luh hmain zoo hi bird flu laka tihfihlim hman vek a ngai tih an sawi.