Sorkarin ram 55-ah anti-malarial drug thawn dawn
Sorkar laipui chuan coronavirus veite enkawlna atana hmang, anti-malarial drug hydroxychloroquine chu ram 55-a thawn chhuah a remti.
India hi khawvela hydroxycloroquine siamchhuaktu lian ber niin, khawvel puma he damdawi siam zinga 70% hi India rama siam a ni. Hei vang hian ram hrang hrangte chuan damdawi hi thawn turin an ngen a ni. US Food and Drug Administration pawhin he damdawi hi coronavirus veite enkawlna atana a pawma, New York-ah he hri vei mek mi 1,000 chuangah an enchhin tawh a ni.
Sorkar chuan India rama Covid-19 kai hmuh a nih hnuah, he damdawi hi damlo enkawlna atana mamawh a nih ve dawn avangin ram pawna thawnchhuah a khap n nghal a ni. Mahse kar hnih chhung a khap hnuah kar liam ta khan thawnchhuah khapna hi a hlip a, ram eng emaw zatah a thawn tawh a,a thawnchhuah chhunzawm zel dawn bawk a ni.