Pakistan beihna vanga thi chhungte sorkar hna pe dawn

Jammu and Kashmir Lieutenant Governor Manoj Sinha chuan Nilaini khan Pakistan beihna thlenna hmun Poonch tlawhin, Pakistan beihna vanga thi chhungte hnenah sorkar hna pek a tiam. Pakistan-in drone leh missile hmanga India a beihna kha Poonch hian an tuar nasa ber a, chenna in chhia pawh eng emaw zat an awm a ni. Pakistan beihna vanga vantlang mi 17 thi zinga 13 chu Poonch-a cheng an ni.