EAM-in Germany a thleng

Ram pathum tlawha zinchhuak mek, external affairs minister S Jaishankar chuan ram pahnih a tlawhna turin Ningani khan Germany khawpui Berlin a thleng. EAM German parliament member te nen inkawmna hun hmang nghalin, India-in firfiak pawl do leh ti tawp kawnga a hmalak dante a sawi pui nghal a ni.

Jaishankar hian Europe-a Indian Ambassador awm ten regional conference an neih chu tel puiin a kaihruai nghal bawk. He hunah hian India in Operation Sindoor a kalpui dan leh firfiak pawl chetna laka Zero tolerance a puan chungchang hrilfiahna hun a hmang nghal bawk.

EAM hian hun a hman dan leh Germany hruaitu te nen a inkawmna hun an hman chungchang hi X-ah tarlangin,"India-Germany thawh dunna thuk lehzuala kalpui leh inlaichinna ṭha neih zel dan turte kan sawi ho a ni" a ti. Huang hrang hrang a inkawmna an neih thu leh Europe ram te nen a thuk zawka thawk ho tura hmalak ṭha an tih thu pawh sawi lang a ni.