PM-in NDA CM leh DCM meeting a kaihruai

Prime minister Narendra Modi chuan nimin, Pathianni khan New Delhi-a National Democratic Alliance (NDA) meeting a kaihruai. Meeting-ah hian NDA hnuaia party hrang hrang Chief Minister leh Deputy Chief Minister te an tel a, anni bakah union minister Amit Shah, Rajnath Singh leh BJP president ni bawk JP Nadda te an tel bawk.

Maharashtra deputy CM leh Shiv Sena hruaitu, Eknath Shinde chuan nimina meeting-ah hian resolution pu lutin, prime minister Narendra Modi hmalakna leh Operation Sindoor hlawhtlinna tura thawktu sipaite fakna leh chawimawina tarlan a nih bakah. Operation Sindoor chuan India mite thinlungah inrintawkna a tuh thei dawn tih a tarlang bawk a ni.

Nikhat awh conclave neihah hian agenda atan good governance chungchang ngaihtuah niin, Modi sorkar kum thumnain hmasawnna tura hma lakna a neih chungchang sawi ho a nih thu BJP chuan an tarlang. Meetingah hian Chief Minister 19 leh Deputy CM eng emaw zat an tel thei a ni.

OP Sindoor-hi sipai chakna mai ni lo ram ṭhanna lan tirtu a ni: PM

Prime Minister Modi chuan thla tina radio kaltlanga thu a sawi ṭhinna 'Maan Ki Baat', nimin Pathiannia a neihah Operation Sindoor chungchang sawiin, he operation hi sipai tha chakna tarlanna mai ni loin India inthlak danglamna, khawvel huapa ram huaisen leh chak tak ni tura a ṭhanna ti langtu a nih thu a sawi.

He operation hi firfiak pawl chetna venga ram puma in lungrualna, thinrimna, leh inpumpekna ti langtu a nih thu sawiin, Operation Sindoor chuan firfiak pawl laka hmalakna tur atana India hmel thara min hruaikaitu, India tha chak tak ni tura a ṭhanna leh he tiang do let tura a nih chhan ti lang chiangtu a nih thute a sawi lang.

PM Modi chuan tualchhunga siam ralthuam hman tlak tak tak te chu a fak zui nghal a, he mission kalpui hlawhtlinna tur atana kawng pawimawh sialtu a nih thu te tarlang. Sipaite thlawp thei tur ralthuam, hmanrua leh thiamna changkang tak tak India kutchhuak ngei chu operation hlawhtlin theihna chhan a nih thu uar takin a sawi bawk.