State 4-a seat 5-ah assembly by-election nei dawn

Election Commission of India chuan ramchhunga state palia assembly seat panga ruakah by-election neih a nih tur thu nimini khan an puang. Heng hmunah hian June 19-ah vote thlakin, June 23-ah vote chhiar a ni ang.

By-election neihna tur tarlante hi Gujarat-ah seat hnih; Kerala, West Bengal, leh Punjab-ah te seat khat ṭheuh an ni. Gujarata seat hnih ruaka a pakhat zawk hi Kadi seat niin an MLA Karasnbhai Punjabhai Solanki thih vang a ni a, pakhat zawk hi Visavadar seat niin MLA ni lai a inhnuhdawh vang a ni thung.

Kerala-ah hian MLA PV Anvar ban vangin Nilambur seat chu a ruak a, Punjab-a Ludhiana seat erawh member ni lai Gurpreet Bassi Gogi thih vanga inthlan ṭhat ngai a ni bawk. West Bengal-a seat ruak Kaliganj bial pawh hi MLA Nasiruddin Ahamed thih vang bawka inthlanna hi neih a ngai a ni.