Guyana-ah Global Anti-Terror campaign nei

India-in firfiak pawl laka 'Zero Tolerance' a kal pui dan tur leh Operation Sindoor chungchang hrihfiahna hun hmanga campaign a kalpui mekah, Congress MP Shashi Tharoor kaihhruai all-party MP team chuan Pathianni khan Guyana an thleng. Vawiinah Panama lam an pan leh ang. Anti-terror campagin hi ram 33 ah neih tum a ni.

Shashi Tharoor team hian Guyana vice prsident Bharrat Jagdeo hmuin, India-in Pakistan thlawp firfiakte enliam mai a tum loh dante an sawi a ni. Vice President Jagdeo pawhin Pahalgam-a firfiak pawikhawihna thleng chu an dem thu sawiin, India-in Operation Sindoor a kalpui chu a thlawp hle tih a sawi bawk. India hmalakna hian firfiak pawl hrang hrang tukdawl tura in unauna ṭha leh ṭanrualna an neihzia ti langtu a nih thu a sawi.

India aiawhte leh Guyan hruaitu inkawmnaah ram pahnihten sector hrang hranga thawh dunna neih theih dan turte an sawi ho bawk. Jagdeo chuan development project hrang hrang, a bikin infrastructure, energy, fintech leh agriculture lama India thawhpui an duh thute a lo sawi a, an rama oil reserve hmuh chhuah tharte chu India mi sumdawngte tana sumdawnan kalpuina tur remchang tak a nih thute a lo hrilh.

India-in Pakistan rama Operaton Sindoor a kalpui leh, firfiak dona kalpui a tum dan sawifiah tura ram hrang hrang tlawh tur hian MP te hi group 5-ah ṭhenin, group tinah party hrang hrang MP-te dah an ni.