NIA-in Pakistan thawhpui CRPF ASI man a ni

National Investigation Agency (NIA) chuan nimin Thawhṭanni khan Pakistan thawhpuia puh, Central Reserves Police Force(CRPF) assistant sub inspector, Moti Jat an man. Jat hi Pakistan intelligence office hnenah India ram thuruk a pe chhawng ṭhin niin NIA chuan a tarlang.

Moti Jat hi man a nih hnuah Pakistan nen an thawk dun ngei tih finfiah niin, a nihna aṭang hian chawlh tir a ni nghal bawk.

NIA-in an tarlan danin, Moti Jat hian kum 2023 aṭang khan Pakistan Intelligence Officers (PIO) hnenah India thurukte hi ti chingpenin a lo rawlruk tan daih tawh a ni. Jat hian heng thuruk a pek vang hian PIO aṭangin sum hmanga puihna pawh a dawng ṭhin niin NIA lam chuan an sawi.

CRPF ASI Moti Jat hian Special Court, Patiala House Court-ah a chungthu hi ngaihtuah tura tih a ni a, hemi hma June 6 thleng chu thuneitute hian an kawl zui dawn a ni. A chungchang chhui chianna turah CRPF lam chuan NIA kutah engkim an hlan vek a ni.