Saudi damdawi-inah MP Ghulam Abi Azad dah

India-in Operation Sindoor a kalpuina chhan leh, firfiakte dona kawnga a hmalak dante ram hrang hrang hrilhfiah tura all-party MP tour neihnaa tel, veteran politician leh Rajya Sabha-a leader of opposition hlui, Ghulam Nabi Azad chu a pum nat vangin Thawhlehni khan Riyadh, Saudi Arabia-a damdawi-inah dah luh a ni.

Azad hi BJP hruaitu Baijayant Jay Panda kaihhruai team-ah a tel a, Bahrain leh Kuwait an tlawh tawh a ni.

An team hi West Asia leh North Africa tlawh tura tih an ni. Saudi Arabia bakah Algeria te an la tlawh leh ang. An ram tlawhah sorkar hruaitute bakah political party aiawh hrang hrangte an hmu a, India mi awmte pawh an kawm bawk ṭhin.

Pand chuan damdawi-ina Ghulam Nabi Azad dah luh a nih thu hi a X-ah tarlangin, ngaihtuahawm erawh a nih loh thu a sawi.