UPSC-in applicationa portal thar hawng

Union Public Service Commission (UPSC) chuan Nilaini khan 'Online Application Portal' thar a hawng a, hei hi application buaipui hun chhung rei tak tih ziaawmna tura ruahman leh exam zawng zawnga chhinchiah ngaite chhinchiah ti awlsam thei tura duan a ni. Portal thar hian one-time registration tih ngai ṭhin chu a rawn thlak a ni.

Application siamna portal thar chungchangah hian UPSC chuan thuchhuah siam nghalin," Portal kaltlanga application ti turte chu ID document atana Aadhar Card hmang turin ngen in ni. Hei hian Universal Application chu a tih awlsam bakah inziak lut thar turte nihna diktak finfiah chu a ti awlsam dawn" tih an tarlang.

Portal-ah hian thil chi li awmin chungte chu account creation, universal registration, common application form leh examination column te a awm a ni. Heng column pali zinga a hmasa pathumte hi examination buatsaih tin atana in ang tlang a ni a, candidate-ten an dah khah theih reng tur a ni. A palinaah hian examination chungchanga hriattirna, application leh application status te a awm thung.