In luah man ṭhing luite lakah Action la tura ngenna thehlut

Delhi-ah in neitu ṭhenkhat, lockdown puan chhunga an in luahtu zirlai leh nitin inhlawhfate in luah man pe tura nawr lui an awm reng tih sawiin, heng mite laka action la tura ngenna chu Supreme Court-ah theh luh a ni. 

Ministry of home affairs (MHA) chuan March 20 khan thupek ti chhuakin, in neitute te chu an in luahtu zirlai leh nitina inhlawhfate hnen aṭangin thla khat chhung chu in luah man pe tura nawr rih lo turin a ti a ni. Hei bakah in luah man pek theih loha avanga an in luah hnawtchhuakte chu hrem an ni ang, tiin a tarlang bawk. 

Sorkar laipuiin thupek a tichhuak chungin, hmun tam takah in neituten lockdown hman a ni reng chungin zirlai leh inhlawhfa, an in luahtute chu in luah man pe turin an nawr fo tih advocate Pawan Prakash Pathak chuan sawiin Supreme Court-ah PIL a thehlut. In luah man an pek loh chuan hnawhchhuahah te an vau a, hei vang hian hri leng karah in luahtu tam tak chu awmna tur neih loh hlauin thlaphang takin an awm phah a ni, a ti. 

Hetianga an in luahte vau leh thlapang taka siamtute chungah hremna lekkawh ngei a phut thu a PIL thehluhah hian a tarlang a ni.