UT leh State paruk huamchhungah Mock Drill buatsaih leh

Ram chhunga state leh Union territory paruk huam chhungah Inrinni liamta khan defence mock drill 'Operation Shield' neih leh a ni. Mock drill neihna state te hi khawthlang ramri hnaih, Jammu and Kashmir aṭanga Gujarat inkarah neih niin indo thleng palh thei laka in ralrinna atana ruahman a nih thu official chuan an tarlang.

Drill hi May 29-a neih tura ruahman a nih zet hnuah remchan zawkna avangin a hun hi sawn hlat a ni. Mock drill hi thlawhtheihna hmang beihna, drone hmanga beihna leh beihna kawng dang thleng thei lakah neih a ni. Heng nunchan zir lai hian response team lam hian chhanchhuahna hna kalpui dan an entir nghal bawk.

Operation Shield hi Jammu and Kashmir, Punjab, Rajasthan, Gujarat, Haryana leh Chandigarh huam district hrang hrangah hlawh tling taka kalpui a nih bakah Blackout enchhinna neih leh a ni bawk niin official chuan an tarlang.

Nunchhan zirna hlawhtlin theihna tur hian Civil Defence volunteers 10,000 bawr vel bakah, NCC, NSS, Nehru Yuva Kendra Sangathan (NYKS) leh Home Guard eng emaw zat an tel niin an tarlang bawk.