Eptu party-ten Parliament special session phutna PM thawn

Eptu ṭangrual pawl, INDIA bloc hnuaia party hrang hrang 16 hruaitute chuan Operation Sindoor neih zawh tak chungchanga Parliament special session neih phutin, nimin khan prime minister Narendra Modi hnenah lehkha a thawn.

INDIA bloc hian nimin khan Delhi-ah meeting neiin Congress, Trinamool Congress, Rashtriya Janata Dal, Samajwadi Party, leh Shiv Sena (UBT) hruaitute bakah party dang hruaitu eng emaw zat an tel. Meeting-ah hian PM Modi chu Parliament special session buatsaih tura phutin, MP-te hian lehkhathawnah hian an hming an sign a ni.

Nimina meeting-ah hian Aam Aadmi Party (AAP) an tel lo a, PM hnena lehkha thawnah pawh an hming an sign ve lo. Mahse party hmingin a hrana PM hnenah ngenna theh luh an tum thu an sawi.