Rajnath Singh-a rawtna hnawl

Union Home Minister Rajnath Singh-a'n hmarchhak biala hel inpete puala central armed police force battalion pahnih din a rawtna chu Department of Personnel and Training chuan a hnawlsak.

Department of Personnel and Training chuan battalion hi din a nih chuan thiamna avanga police-a lak te tan a thanat thlak dawn niin a sawi. Hel inpete puala battalion din a nih chuan a lak dan chungchangah ngaihnathiamna nasa tak siam a ngai dawn a, kum, san zawng leh educational qualification-ahte tihdanglam a ngai dawn a ni, a ti. BJP kaihhruai NDA sorkar hian thuneihna a chan hnu hian hmarchhaka hel inpete pualin, Border Security Force leh Sashastra Seemal Bal enkawl tura auxiliary battalion pahnih siam a lo rel tawh a ni.